موضوع: العجوز والجميله فازوا بثنائيه .. والانتر انرقع بثنائيه .. وميلن متصدر .. الخميس نوفمبر 25, 2010 4:57 am
بسم الله الرحمن الرحيم
بعد ما مسكت التقديم لفتره طويله .. عطيت غيري فرصه لاني حسيت ان كل العالم يبون يقدمون بس كنت مسبب قلق اخذت راحه ورجعت في تقديم الجولة 11 والحين عاد رجعنا لكم في تقديم هالجولة بعد العيد
قبل كل شي " كل عام وانتم بخير "
||
:: وش صار في الجولة 12 ::
ياكونتا يلدغ .. وتوتي يبداها في اليوفي
بعد البداية المتعثره للفريقين .. كانت هالمباراة تعتبر ثقيله عليهم اليوفي واللي يعتبر في أفضل حالاته بعد بدايته السيئه .. و روما اللي كانت بداياته مره فوق ومره تحت رجع للوضع الصحيح المباراة انتهت بأقل الخسائر وبأفضل نتيجه للفريقين ولكل فرق الكالتشيو لان لو خسر أحد الفريقين كان ممكن تأثر على مستواه المتصاعد وفي نفس الوقت لو فاز أحد الفريقين راح يغير وضع ترتيب الكالتشيو كان التعادل هو الانسب للفريقين .. ولكل فرق الكالتشيو مع العلم المباراة كانت تحمل كل ما تحمله مباريات الكبار وهالشي ماكان مستغرب
لاتسيو هالموسم كانت بدايته جداً رائعه واستمر الى الجولة العاشرة وهالشي يعتبر شي جيد للفريق وللكالتشيو لان عودة فريق مثل لاتسيو للمنافسه تعطي الكالتشيو أجواء فيها متعه أكثر خصوصاً بعد غيابه لفتره طويله حتى ولو كانت المنافسه مؤقته بما ان الدوري طويل وما ندري وش يصير فيه لاتسيو كانت مباراتهم مع نابولي وبعد مرور ربع ساعه زاراتي رجع الصداره للاتسيو وكانت خطورة هجوم نابولي محدودة جداً .. مع ان كان فيه أكثر من فرصه لكافاني ولكن مع بداية الشوط الثاني وبعد ربع ساعه فلوكاري أكد تفوق لاتسيو وانتهت المباراة وكانت عودة مؤقته للصدارة الى ما بعد نتيجة ديربي ميلانو ..
باليرمو دخلوا المباراة بقولة وكان واضح انهم يبون هدف مبكر ومع تأخر الهدف كان فيه خوف من ان كاتانيا يخطف هدف من مرتده ولكن بعد نص ساعه قدر باستوري يسجل الهدف الاول .. وحتى مع التعادل من كاتانيا قدر باستوري يسجل الثاني والثالث وبكذا باستوري حقق الفوز لفريقه وسجل هاتريك لحسابه الشخصي ورفع رصيده من 4 أهداف الى 7 أهداف في المركز الثاني بعد ايتو وكافاني
بعد ما كانت الصداره مؤقته للاتسيو دخل الميلن يبي يرجع الصداره وكان فيه كمية ضغط كبيره في بداية الشوط كانت نتيجتها ضربة جزاء لـ إبرا وبعد تسجيل الهدف الاول كانت الهجمات قليله من الفريقين الى نهاية الشوط الاول مع بداية الشوط الثاني كان الانتر ماسك الكورة خلال جميع أوقات الشوط ولكن بدون خطورة مؤثره على مرمى الميلن .. ومع الطرد اللي تحصل عليه أباتي في الدقيقه 60 الا ان الميلن قدر يحافظ على مرماه نظيف الى نهاية المباراة المباراة زادت معاناة الانتر في خروج مصابين جدد ..
الخميس نوفمبر 25, 2010 4:57 am
